Дуучин Б.Болд,Х. Мөнгөнцэцэг нар Хүүтэйгээ анх удаа папарацид өртжээ

2018-03-13 13:44 1554

Дуучин Б.Болд,Х. Мөнгөнцэцэг нар Хүүтэйгээ анх удаа папарацид өртжээ

Paparazzi.mn сайт шинэхэн сэтгүүлээ өлгийдөн аваад удаагүй байгаа билээ. “Paparazzi”сэтгүүлийн цоо шинэхэн дугаар уншигч таны гарт хүрэхэд бэлэн болсон байна. Олон сонирхолтой мэдээ мэдээлэл, олны танил эрхмүүд энэ удаад “Paparazzi”сэтгүүлийн дуранд өртжээ. Дуучин Б.Болд, Э.Чулуунчимэг, Х.Мөнгөнцэцэг нарын үнэн худал нь мэдэгдэхгүй адармаатай асуултын хариултыг “Paparazzi” сэтгүүл тайлсан байна. Э.Чулуунчимэг жил гарны өмнө өөрийн цахим хуудсаар Б.Болдод хандан ширүүхэн шүлэглээд авсан.

Энэ талаар харин дуучин Б.Болд эрс үгүйсгэж байсан юм. Сайн найздаа өөрийн нөхрөө алдсан гэх асуултын үнэн худлыг та тус сэтгүүлийн хамгийн сүүлчийн дугаараас олж мэдээрэй! Мөн Оросын Зөн билгийн 17-р тулааны ялагч Свами Даши -ийн маш сонирхолтой ярилцлага нийтлэгдсэн гээд олон сонирхолтой мэдээллийг “Paparazzi”сэтгүүлээс унших боломжтой .

Олон арван мэдээлэл, оддын амьдралын сонирхол татсан папараци мэдээллийг та зөвхөн “Папараци” сэтгүүлээс олж аваарай!

 

Хэзээ ч үл тоож болохгүй 10 төрлийн зүүд

Олон зуун жилийн туршид бид зүүд, түүний утга учрыг сонирхож байсан. 19-р зуунд сэтгэл судлаач Карл Жунг (Carl Jung) үзэхдээ, “Зүүд нь тухайн хүний далд ухамсрыг харуулдаг бөгөөд давхар сүнсний ертөнцийн үүд хаалгыг нээж байдаг. Тиймээс ч таагүй зүүд бодит амьдрал дээр биеллээ олох нь бий” хэмээсэн аж. Мөн ийнхүү үргэлж таагүй зүүд зүүдлэх, зүүдэндээ ярих нь сэтгэцийн өөрчлөлт, тархины эмгэг байж болох юм. Иймд бид та бүхэндээ хэзээ ч үл тоож болохгүй 10 төрлийн зүүдийг танилцуулахаар бэлтгэлээ.

1Нисэж байна гэж зүүдлэх

Нисэж байна хэмээн зүүдлэх нь хүсэл эрмэлзэлдээ хүрэх замыг илэрхийлдэг. Таны хаашаа явах гэж байгаа, мөн зорьсон газраа хүрч чадаж байгаа эсэх, замд танд ямар нэгэн бэрхшээл учирч байгаа зэргээс шалтгаалан харилцан адилгүй байдаг. Иймд та зүүдээ эргэн санаж, зорилгодоо хүрэхэд тань ямар саад бэрхшээл учрахыг олж мэдээрэй! Мөн сонирхуулахад, тухайн зүүдийг зүүдлээд сэрсний дараа бид ямар нэгэн зүйлээс чөлөөлөгдсөн мэт болж, асар их тайтгарлыг мэдэрдэг байна.

2Хүрхрээ зүүдлэх

Усны тухай зүүдлэх нь сэтгэлийн төлөв байдлыг илтгэдэг. Хэрэв таны зүүдэлсэн ус нь цэвэр, тунгалаг байвал, сайны шинж юм. Мөн хүрхрээ, цутгаж байгаа их усыг зүүдлэх нь шинэ эхлэлийг илэрхийлж байгаа аж.
Хэрэв та зүүдэндээ хүрхрээ харвал дараах асуултуудыг өөрөөсөө асуугаарай. Үүнд:

Хүрхрээ ямар хэмжээтэй байна вэ?

Та хүрхрээний усанд орж байна уу? эсвэл хараад зогсож байна уу?

Хүрхрээ харанхуй ойд байна уу? эсвэл үзэсгэлэнтэй далайд цутгаж байна уу?

Хэрэв хүрхрээ том байвал, таны амьдралд томоохон өөрчлөлт гарахыг илтгэнэ. Жижиг байвал, тухайн өөрчлөлт танд нэг их хүчтэй сэтгэгдэл төрүүлэхгүй.

Хүрхрээний усанд орж байвал та амьдралаа өөрчлөхийг, шинэчлэл хийхэд гар бие оролцохыг хэлнэ. Харин зүгээр л хараад зогсож байвал, өөрчлөлт нэг л мэдэхэд ирэх болно.

Хүрхрээ харанхуй ойд байвал өөрчлөлт хийхэд багагүй хугацаа, тодорхой саад бэрхшээл учирна. Харин үзэсгэлэнтэй далайд цутгаж байвал удахгүй зорьсон бүхэн бүтэхийн илрэл юм.

3Шүд зүүдлэх

Шүд унаж байна гэх зүүд нь олон хүмүүст түгээмэл зүүдлэгддэг. Шүдтэй холбоотой зүүд бүхэн муу байдаггүй. Хэрэв та хөдөлсөн шүдээ гараараа татаж байна гэж зүүдэлвэл, энэ нь таныг ямар нэгэн зүйлээс айж эмээх, бухимдахыг илтгэж байна.

Харин шүд унаж байна хэмээн зүүдлэх нь өдөр тутмын амьдралын стресс, түүнийг үүсгэх хүчин зүйлсүүдээс хамаардаг. Мөн таны амьдралд ямар нэгэн өөрчлөлт гарах бөгөөд тухайн зүйл танд тааламжгүй сэтгэгдлэл төрүүлэхийг зөгнөж болно.

4Үхэл зүүдлэх

Үхлийн тухай зүүдлэх нь ямар нэгэн зүйлийн төгсгөлийг бэлэгддэг. Үхэл бол эго хэсгүүдийн төгсгөл юм. Үүнд: Стресс, уур хилэн нөлөөлнө. Үхэх, үхэхийг зүүдлэх нь сэтгэл зүйн томоохон өөрчлөлт хийх, хийж байгаа зүйлдээ цэг тавих, гэр бүл салах зэргүүд орж болно.

5Бие давхар болсноор зүүдлэх

Жирэмсэн байгаа зүүд нь өсөлт хөгжил, үржлийн бэлэгдэл юм. Ажил төрөл өөдрөг бүтэмжтэй байх, өөрийн зорилго биеллээ олох, амьдралаа өөрчлөх боломж гарах, магадгүй гэр бүлд бүл нэмэхийг зөгнөж байхыг үгүйсгэхгүй.

6Байшин зүүдлэх

Гэр орон, байшин зүүдлэх нь биеэ даасан байдал, хувийн шинж чанарыг илэрхийлдэг. Байшингийн төрөл, хэмжээ, эсвэл өрөөнүүдээс хамаарч тайлбар нь гүнзгийрч болно. Байшингийн тухай зүүд нь аврал, тайтгарлын илрэл юм. Мөн энэ нь дурсамжийг бэлгэддэг. Харин хонгилын өрөө зүүдлэх нь, зөн совингоо дагаж, ухамсартай байхыг сануулна.

7Мөнгө зүүдлэх

Мөнгө зүүдлэх нь биднийг илүү сэрэмжтэй байж, илүү их зүйл хийж бүтээхийг зөгнөдөг. Мөнгөний тухай зүүдлэх нь таныг азанд найдалгүйгээр, илүү их хөдөлмөрлөх хэрэгтэйг сануулна. Эс бөгөөс таны төсөөлөөгүй их алдагдал учирч, өрөнд орж мэдэх юм. Санхүүгийн тогтвортой байдал нь бидний амьдралд нөлөөлдөг томоохон хүчин зүйл шүү дээ. Тиймээс илүү сонор сэрэмжтэй байгаарай!

8Секс хийж байна гэж зүүдлэх

Хосуудын харилцаа төвөгтэй байдалд орсон үед, хүмүүс секс хийж байна гэж зүүдэлдэг байна. Хайртай хүнээ алдахаас айсан, харилцаандаа сэтгэл хангалуун биш байгаа, хэт их хүсэл тачаалдаа автсан үед, секс зүүдлэх нь бий. Харин энэ тохиолдолд та хайрттайгаа ярилцаж, харилцаагаа аварч үлдэхийг хичээх хэрэгтэй юм.

9Гал зүүдлэх

Галаар наадаж, зүүдэндээ гал харах нь эрсдэлтэй зүйлтэй нүүр тулах аюулыг зөгнөдөг байна. Мөн таныг цаашдаа болгоомжтой байж, галтай харьцахдаа анхааралтай байгаарай гэх нэгээхэн сануулга гэж ойлгож болох юм.

10Нүцгэн байна гэж зүүдлэх

Өөрийгөө нүцгэн байна гэж зүүдлэх нь маш түгээмэл байдаг. Энэ нь таны айдастай холбоотой бөгөөд бусдад хэлээгүй нууцаа мэдэгдчих вий гэх бодол тархинд давамгайлснаар, өөрийгөө нүцгэн байна гэж зүүдэлдэг аж.

Мөн өөртөө итгэлгүй болох, бухимдаж сандрах үед ийм зүүд зүүдэлдэг байна. Нэг ёсондоо тухайн нууцад хэт анхаарлаа хандуулж, бусдад мэдэгдэх вий хэмээн байнга бодож, сэтгэл санаа тавгүй байх нь шөнө унтахад хүртэл нөлөөлж, зүүдэнд ордог гэнэ. Харин та энэхүү зүүдээс салахыг хүсвэл, аль болох тайван байж, хамгийн итгэлтэй хүндээ тухайн нууцаа ярих хэрэгтэй юм.

error: Content is protected !!